Legislation – The Health Protection (Coronavirus, International Travel and Notification) (Wales) (Miscellaneous Amendments) Regulations 2021

“Dyletswydd ar weithredwyr labordai diagnostig i hysbysu Iechyd Cyhoeddus Cymru am brofion SARS-CoV-2 neu firws y ffliw a brosesir4A.

(1)

Rhaid i weithredwr labordy diagnostig hysbysu Iechyd Cyhoeddus Cymru yn unol â’r rheoliad hwn pan fo’r labordy diagnostig yn prosesu prawf ar gyfer canfod SARS-CoV-2 a chanlyniad y prawf yn bositif neu’n amhenodol.

(2)

Pan fo paragraff (1) o reoliad 4B yn gymwys i weithredwr labordy diagnostig, rhaid i’r hysbysiad sy’n ofynnol gan baragraff (1) fod yn unol â’r rheoliad hwn a rheoliad 4B.

(3)

Rhaid i weithredwr labordy diagnostig hefyd hysbysu Iechyd Cyhoeddus Cymru yn unol â’r rheoliad hwn pan fo’r labordy diagnostig—

(a)

yn prosesu prawf ar gyfer canfod SARS-CoV-2 a chanlyniad y prawf yn negyddol neu’n amhendant; neu

(b)

yn prosesu prawf ar gyfer canfod firws y ffliw a chanlyniad y prawf yn bositif, yn amhenodol, yn negyddol neu’n amhendant.

(4)

Rhaid i’r hysbysiad gynnwys yr wybodaeth ganlynol i’r graddau y mae’n hysbys i weithredwr y labordy diagnostig—

(a)

enw a chyfeiriad y labordy diagnostig;

(b)

y dyddiad a’r amser y cafodd y labordy diagnostig y sampl;

(c)

pan fo cyfrwng achosol wedi ei ganfod, manylion y cyfrwng hwnnw;

(ch)

dyddiad y sampl;

(d)

natur y sampl;

(dd)

canlyniadau unrhyw brawf rhagdueddiad gwrthficrobaidd ac unrhyw fecanwaith ymwrthedd a ganfuwyd mewn cysylltiad â’r sampl;

(e)

enw’r person (“P”) y cymerwyd y sampl ohono;

(f)

dyddiad geni a rhyw P;

(ff)

cyfeiriad cartref presennol P gan gynnwys y cod post;

(g)

preswylfa bresennol P (os nad y cyfeiriad cartref);

(ng)

ethnigrwydd P;

(h)

rhif GIG P;

(i)

enw, cyfeiriad a sefydliad y person a ofynnodd am gynnal y prawf;

(j)

pan fo’r prawf ar gyfer canfod SARS-CoV-2 neu firws y ffliw, canlyniad y prawf; ac

(l)

pan fo canlyniad prawf ar gyfer canfod SARS-CoV-2 yn bositif neu’n amhenodol, rhif teleffon a chyfeiriad e-bost—

(i)

pan fo P yn blentyn neu’n berson sydd ag anabledd sy’n analluog am y rheswm hwnnw i ddarparu’r wybodaeth a nodir yn is-baragraffau (d) i (g), ar gyfer rhiant, gwarcheidwad neu ofalwr priodol i’r person hwnnw;

(ii)

fel arall, ar gyfer P.

(5)

Yn ddarostyngedig i baragraff (7), rhaid darparu hysbysiad o dan baragraff (3) mewn ysgrifen o fewn cyfnod o 7 diwrnod sy’n cychwyn gyda’r diwrnod y mae’r labordy diagnostig yn dod yn ymwybodol o ganlyniad y prawf.

(6)

Yn ddarostyngedig i baragraff (7), rhaid darparu hysbysiad o dan baragraff (1) mewn ysgrifen o fewn 24 awr i’r adeg y mae’r labordy diagnostig yn dod yn ymwybodol o ganlyniad y prawf.

(7)

Rhaid darparu hysbysiad sydd—

(a)

o dan baragraff (1) neu (3); a

(b)

yn ymwneud â phrawf diwrnod 2 neu ddiwrnod 8 o fewn ystyr rheoliad 6AB o’r Rheoliadau Teithio Rhyngwladol,

o fewn 48 awr i’r adeg y cafodd y labordy diagnostig sampl y prawf.

(8)

Heb ragfarnu paragraff (5), os yw gweithredwr y labordy diagnostig o’r farn bod achos penodol y mae’r paragraff hwnnw yn gymwys iddo yn achos brys, rhaid darparu’r hysbysiad ar lafar cyn gynted ag y bo’n rhesymol ymarferol.

(9)

At ddiben y rheoliad hwn, mae labordy diagnostig yn prosesu prawf—

(a)

pan fo’r labordy diagnostig yn prosesu’r prawf; neu

(b)

pan fo’r prawf yn cael ei brosesu gan labordy arall o dan drefniant a wnaed gyda’r labordy diagnostig hwnnw.

(10)

Pan fo paragraff (9)(b) yn gymwys—

(a)

y diwrnod pan ddaw’r labordy diagnostig yn ymwybodol o ganlyniad y prawf at ddibenion paragraff (3) yw’r diwrnod pan ddaeth y labordy diagnostig yn ymwybodol o ganlyniad y prawf a broseswyd gan y labordy arall hwnnw;

(b)

yr adeg pan ddaw’r labordy diagnostig yn ymwybodol o ganlyniad y prawf at ddibenion paragraff (1) yw’r adeg pan ddaeth y labordy diagnostig yn ymwybodol o ganlyniad y prawf a broseswyd gan y labordy arall hwnnw.

(11)

Mae’n dramgwydd i weithredwr labordy diagnostig fethu â chydymffurfio â’r rheoliad hwn heb esgus rhesymol.

(12)

Mae unrhyw berson sy’n cyflawni tramgwydd o dan y rheoliad hwn yn agored, o’i gollfarnu’n ddiannod, i ddirwy.

(13)

Yn y rheoliad hwn—

mae i “anabledd” yr un ystyr ag a roddir i “disability” yn Neddf Cydraddoldeb 201014 (gweler adran 6 o’r Ddeddf honno ac Atodlen 1 iddi);

mae i “gofalwr” (“carer”) yr ystyr a roddir yn adran 3 o Ddeddf Gwasanaethau Cymdeithasol a Llesiant (Cymru) 201415;

mae i “gwarcheidwad” yr ystyr a roddir i “guardian” yn adran 107 o Ddeddf Plant a Phobl Ifanc 193316;

mae i “gweithredwr labordy diagnostig” (“operator of a diagnostic laboratory”) yr ystyr a roddir yn rheoliad 4(11);

mae i “Iechyd Cyhoeddus Cymru” (“Public Health Wales”) yr ystyr a roddir yn rheoliad 4(11);

mae i “labordy diagnostig” (“diagnostic laboratory”) yr ystyr a roddir yn rheoliad 4(11);

mae i “plentyn” (“child”) yr ystyr a roddir yn rheoliad 2(7);

ystyr “Rheoliadau Teithio Rhyngwladol” (“International Travel Regulations”) yw Rheoliadau Diogelu Iechyd (Coronafeirws, Teithio Rhyngwladol) (Cymru) 2020;

mae i “rhiant” (“parent”) yr ystyr a roddir yn rheoliad 2(7).

Dyletswydd i hysbysu Iechyd Cyhoeddus Cymru am ganlyniadau profion mandadol o dan y Rheoliadau Teithio Rhyngwladol4B.

(1)

Mae’r rheoliad hwn yn gymwys i weithredwr labordy diagnostig—

(a)

pan fo’r labordy yn prosesu prawf diwrnod 2 neu ddiwrnod 8 (o fewn ystyr rheoliad 6AB o’r Rheoliadau Teithio Rhyngwladol);

(b)

pan fo’n ofynnol i’r gweithredwr anfon hysbysiad mewn perthynas â’r prawf yn unol â rheoliad 4A o’r Rheoliadau hyn; ac

(c)

pan fo’n ofynnol i’r gweithredwr ddilyniannu sampl y prawf o dan baragraff 1ZA neu 2ZA o Atodlen 1C i’r Rheoliadau Teithio Rhyngwladol.

(2)

Rhaid i’r hysbysiad sy’n ofynnol gan reoliad 4A(1) gynnwys, yn ogystal â’r wybodaeth a restrir yn rheoliad 4A(3), yr wybodaeth ganlynol i’r graddau y mae’n hysbys i weithredwr y labordy diagnostig—

(a)

enw a chyfeiriad y labordy tarddiol (os yw’n wahanol i’r labordy diagnostig);

(b)

dyddiad yr adroddiad gan y labordy;

(c)

yr wybodaeth ganlynol ynghylch y person (“P”) y cymerwyd y sampl ohono—

(i)

oedran P mewn misoedd a blynyddoedd;

(ii)

cyfeiriad a chod post P;

(iii)

galwedigaeth P;

(iv)

pa un a oes gan P system imiwnedd wan ai peidio;

(v)

pa un a yw P wedi cael brechlyn yn erbyn SARS-CoV-2 ai peidio;

(ch)

yr wybodaeth ganlynol ynghylch y sampl—

(i)

unrhyw sylwadau gan y labordy;

(ii)

cod yr organedd;

(iii)

rhif y sbesimen, gan gynnwys cod adnabod unigryw pum llythyren y labordy;

(iv)

y math o sbesimen;

(v)

dyddiad y sbesimen;

(vi)

y dull profi a ddefnyddiwyd;

(vii)

gwerthoedd trothwy cylch.

(3)

Pan fo’r sbesimen i’w anfon i labordy arall at ddibenion dilyniannu yn unol â pharagraff 1ZA neu 2ZA o Atodlen 1C i’r Rheoliadau Teithio Rhyngwladol, rhaid i weithredwr y labordy diagnostig ddarparu i’r labordy arall hwnnw rif y sbesimen a ddefnyddiwyd i gyflawni’r rhwymedigaeth ym mharagraff (2)(ch)(iii).

(4)

Yn y rheoliad hwn, mae i “gweithredwr labordy diagnostig”, “Iechyd Cyhoeddus Cymru”, “labordy diagnostig” a “Rheoliadau Teithio Rhyngwladol” yr un ystyr ag yn rheoliad 4A(13).

Dyletswydd i hysbysu Iechyd Cyhoeddus Cymru am ganlyniadau dilyniannu genomaidd ar samplau profion mandadol o dan y Rheoliadau Teithio Rhyngwladol4C.

(1)

Rhaid i weithredwr labordy dilyniannu hysbysu Iechyd Cyhoeddus Cymru yn unol â’r rheoliad hwn.

(2)

Rhaid i’r hysbysiad gynnwys yr wybodaeth ganlynol i’r graddau y mae’n hysbys i weithredwr y labordy dilyniannu—

(a)

pan nad y labordy tarddiol yw’r labordy dilyniannu—

(i)

enw a chyfeiriad y labordy tarddiol;

(ii)

y dyddiad a’r amser y cafodd y labordy dilyniannu y sbesimen;

(b)

adroddiad o ganlyniadau’r dilyniannu;

(c)

dyddiad yr adroddiad hwnnw;

(ch)

ffeil BAM wedi ei didoli sy’n cynnwys yr holl ddarlleniadau sy’n alinio i’r genom cyfeirio SARS-CoV-2 gyda’r darlleniadau dynol nad ydynt yn alinio wedi eu dileu;

(d)

unrhyw fetadata sy’n ofynnol i atgynhyrchu’r dadansoddiad a gynhyrchodd ganlyniadau’r dilyniannu;

(dd)

yr wybodaeth ganlynol ynghylch y sbesimen—

(i)

unrhyw sylwadau gan y labordy;

(ii)

cod yr organedd;

(iii)

rhif y sbesimen;

(iv)

y math o sbesimen;

(v)

dyddiad y sbesimen;

(vi)

y dull profi a ddefnyddiwyd;

(vii)

gwerthoedd trothwy cylch;

(viii)

a yw’r sbesimen yn amrywiolyn sy’n peri pryder neu’n amrywiolyn sy’n destun ymchwiliad.

(3)

Pan nad y labordy tarddiol yw’r labordy dilyniannu—

(a)

rhaid darparu’r hysbysiad mewn ysgrifen o fewn 96 awr i’r adeg y cafwyd y sbesimen; a

(b)

rhaid i’r labordy dilyniannu—

(i)

canfod rhif y sbesimen a ddefnyddiodd y labordy tarddiol i gyflawni ei rwymedigaeth yn rheoliad 4B(2)(ch)(iii) mewn cysylltiad â’r sbesimen; a

(ii)

defnyddio’r un rhif sbesimen i gyflawni’r rhwymedigaeth ym mharagraff (2)(dd)(iii).

(4)

Pan mai’r labordy tarddiol yw’r labordy dilyniannu—

(a)

rhaid darparu’r hysbysiad mewn ysgrifen o fewn 120 awr i’r adeg y canfuwyd SARS-CoV-2 yn y sbesimen; a

(b)

rhaid i’r labordy dilyniannu ddefnyddio’r un rhif sbesimen i gyflawni’r rhwymedigaeth ym mharagraff (2)(dd)(iii) ag a ddefnyddiodd i gyflawni’r rhwymedigaeth yn rheoliad 4B(2)(ch)(iii).

(5)

Mae’n dramgwydd i weithredwr labordy dilyniannu fethu â chydymffurfio â’r rheoliad hwn heb esgus rhesymol.

(6)

Mae unrhyw berson sy’n cyflawni tramgwydd o dan y rheoliad hwn yn agored, o’i gollfarnu’n ddiannod, i ddirwy.

(7)

Yn y rheoliad hwn—

ystyr “cyfarwyddwr labordy dilyniannu” (“director of a sequencing laboratory”) yw—

(a)

y microbiolegydd clinigol, patholegydd ymgynghorol neu ymarferydd meddygol cofrestredig arall neu berson arall sydd â gofal o’r labordy dilyniannu; neu

(b)

unrhyw berson arall sy’n gweithio yn y labordy dilyniannu ac y dirprwywyd iddo’r swyddogaeth o wneud hysbysiad o dan y rheoliad hwn gan y person a grybwyllir ym mharagraff (a);

ystyr “gweithredwr labordy dilyniannu” (“operator of a sequencing laboratory”) yw’r corff corfforaethol sy’n gweithredu’r labordy dilyniannu neu, os nad oes corff o’r fath, cyfarwyddwr y labordy dilyniannu;

mae i “Iechyd Cyhoeddus Cymru” (“Public Health Wales”) yr ystyr a roddir yn rheoliad 4(11);

ystyr “labordy dilyniannu” (“sequencing laboratory”) yw labordy sy’n dilyniannu sampl yn unol â pharagraff 1ZA neu 2ZA o Atodlen 1C i’r Rheoliadau Teithio Rhyngwladol;

ystyr “labordy tarddiol” (“source laboratory”) yw’r labordy diagnostig a ddarparodd yr hysbysiad sy’n ofynnol gan reoliad 4A(1) mewn cysylltiad â’r sbesimen;

ystyr “Rheoliadau Teithio Rhyngwladol” (“International Travel Regulations”) yw Rheoliadau Diogelu Iechyd (Coronafeirws, Teithio Rhyngwladol) (Cymru) 2020.

Dyletswydd ar ddarparwyr profion i hysbysu Iechyd Cyhoeddus Cymru am ganlyniadau profion yn y man lle y rhoddir gofal ar gyfer canfod SARS-CoV-2 neu firws y ffliw4CH.

(1)

Mae’r rheoliad hwn yn gymwys pan fo darparwr prawf yn cynnal prawf yn y man lle y rhoddir gofal dilys ar berson (“P”) ar gyfer canfod SARS-CoV-2 neu firws y ffliw.

(2)

At ddibenion y rheoliad hwn—

(a)

prawf yn y man lle y rhoddir gofal yw prawf diagnostig nad yw’n cael ei gynnal mewn labordy diagnostig; a

(b)

mae prawf yn y man lle y rhoddir gofal yn ddilys os caiff ei gynnal yn unol â’r cyfarwyddiadau a ddarperir gan weithgynhyrchydd y cyfarpar profi.

(3)

Rhaid i’r darparwr prawf hysbysu Iechyd Cyhoeddus Cymru am ganlyniad y prawf, yn unol â pharagraffau (4) i (6).

(4)

Rhaid darparu hysbysiad mewn ysgrifen—

(a)

o fewn 24 awr i’r adeg pan fydd y darparwr prawf yn cael canlyniad y prawf, mewn achos pan fo canlyniad prawf ar gyfer canfod SARS-CoV-2 yn bositif neu’n amhenodol;

(b)

o fewn cyfnod o 7 diwrnod sy’n cychwyn gyda’r diwrnod y mae’r darparwr prawf yn cael canlyniad y prawf—

(i)

mewn achos pan fo canlyniad prawf ar gyfer canfod SARS-CoV-2 yn negyddol neu’n amhendant; neu

(ii)

yn achos canlyniad prawf ar gyfer canfod firws y ffliw.

(5)

Rhaid i hysbysiad gynnwys yr wybodaeth ganlynol, i’r graddau y mae’n hysbys i’r darparwr prawf—

(a)

mewn perthynas â P—

(i)

ei enw cyntaf;

(ii)

ei gyfenw;

(iii)

ei ryw;

(iv)

ei ddyddiad geni;

(v)

ei rif GIG (os yw’n hysbys);

(vi)

ei ethnigrwydd;

(vii)

ei gyfeiriad presennol (gan gynnwys y cod post);

(viii)

ei rif teleffon, pan fo’r prawf ar gyfer canfod SARS-CoV-2 a’r canlyniad yn bositif neu’n amhenodol;

(ix)

ei gyfeiriad e-bost, pan fo’r prawf ar gyfer canfod SARS-CoV-2 a’r canlyniad yn bositif neu’n amhenodol;

(b)

mewn perthynas â’r prawf—

(i)

enw’r darparwr prawf;

(ii)

natur y sefydliad;

(iii)

rhif adnabod y sbesimen (os yw’n gymwys);

(iv)

y math o sbesimen;

(v)

dyddiad y sbesimen;

(vi)

y dull profi;

(vii)

canlyniad y prawf;

(viii)

y dyddiad y cynhaliwyd y prawf;

(ix)

enw gweithgynhyrchydd y cyfarpar profi.

(6)

Pan fo P yn blentyn, neu’n berson sydd ag anabledd sy’n analluog am y rheswm hwnnw i ddarparu’r wybodaeth a nodir ym mharagraff (5)(a) i’r darparwr prawf, rhaid i’r darparwr prawf ddarparu i Iechyd Cyhoeddus Cymru, i’r graddau y mae’n hysbys i’r darparwr prawf—

(a)

yr wybodaeth a nodir ym mharagraff (5)(a)(i) i (vii) mewn perthynas â P, ar ôl ei chael oddi wrth riant, gwarcheidwad neu ofalwr priodol i P (“X”); a

(b)

pan fo’r prawf ar gyfer canfod SARS-CoV-2 a’r canlyniad yn bositif neu’n amhenodol, rhif teleffon a chyfeiriad e-bost X.

(7)

Mae’n dramgwydd i ddarparwr prawf fethu â chydymffurfio â’r rheoliad hwn heb esgus rhesymol.

(8)

Mae darparwr prawf sy’n cyflawni tramgwydd o dan y rheoliad hwn yn agored, o’i gollfarnu’n ddiannod, i ddirwy.

(9)

Yn y rheoliad hwn, ystyr “darparwr prawf” yw cwmni, partneriaeth, elusen, corfforaeth, cymdeithas anghorfforedig, neu sefydliad neu gorff arall, pa un a yw’n gyhoeddus neu’n breifat, neu unig fasnachwr, sy’n cynnal profion yn y man lle y rhoddir gofal ar gyfer canfod SARS-CoV-2 neu firws y ffliw.

(10)

Yn y rheoliad hwn, mae i “Iechyd Cyhoeddus Cymru” a “Rheoliadau Teithio Rhyngwladol” yr un ystyr ag yn rheoliad 4A(13).”